2010 (2) 
March (1) | Komin til Lundar |
| Silja ritaði 20.August 2008 |
Jæja þá er best að byrja að skrifa. Við Hjalti komum til Lundar í gær. Eftir að hafa tekið lest frá Köben og gengið með 70 kg af farangri auk 10 kg af handfarangri á mann og eitt hjól komum við loksins í íbúðina hans Svajunas þar sem við munum búa þar til við fáum íbúð, annað hvort á studentagörðunum eða almenna markaðinum. Íbúðamálin leystust fyrir þónokkru þar sem læknir sem pabbi hans Hjalta þekkir leyfir okkur að fá svefnherbergi sitt á meðan hann sefur í svefnsófanum í stofunni. Hann er reyndar bara í Lundi aðra hvora viku þar sem hann vinnur einnig í Keflavík. Íbúðin hans er algjörlega miðsvæðis og mjög stutt fyrir okkur að fara í skólan. Hér er allt til alls. Gengum aðeins um hverfið í gærkvöldi til þess að rata aðeins betur hérna þó að Hjalti rati bara mjög vel hér eftir ferðina okkar 2006 þegar við fórum og skoðuðum Lund með foreldrum hans. Ég er að fara á fund með skoraformanni og námsráðgjafa og hinum nemendunum sem eru líka teknir inn í seinni hluta námsins núna á eftir kl 14:30 þá kemur vonandi allt í ljós hvernig náminu mínu verður hagað, í hvaða fög ég fer og hversu margar einingar ég tek. Svo á skólinn að byrja að ég held þann 25 ágúst. Hjalti fer á svipaðann fund á föstudaginn. Skrifa svo meira seinna. |
| Share on Facebook |
| 4 hafa tjáð sig um þessa færslu |
| Siggi sagði klukkan 13:42 þann 21.August 2008 |
| Gott að heyra að þið hafið komist á heilu og höldnu á leiðarenda ! Það virkar eitthvað ekki í tölvunni hjá mér að skoða kommentið á fyrstu færslunni, ég veit ekki af hverju... Hjalti kippir þessu í liðinn -Siggi |
| Hróðný sagði klukkan 17:07 þann 21.August 2008 |
| Hæ, hæ elsku þið. Langt síðan síðast...ég veit...en mig langaði bara til að kvitta fyrir mig hérna á síðunni ykkar. Frábært hjá ykkur að fara til Svíþjóðar í skóla...alltaf gaman að breyta til (þið þekkið Svíðþjóð auðvitað mjög vel sem hlýtur að vera stór plús). Knús, Hróðný (gamla Kvennóvinkona). |
| Sandra Björg sagði klukkan 23:21 þann 21.August 2008 |
| Hæhæ! Jæja hvernig gekk svo fundurinn? Hlakka til að heyra allt um allt! Át þessa dýrindis súkkulaðiköku áðan og var hugsað til þín - og já svo rak ég auðvitað augun í bókina þína Silja sem ég er nota bene búin að lesa en steingleymdi að skila! :/ Alveg útúr kú (en samt eitthvað svo týpískt ég) Heyrumst vonandi bráðlega skvísós :) |
| Björg Ásta sagði klukkan 08:44 þann 22.August 2008 |
| Gaman að sjá að þið eruð með blogg, þá getur maður fylgst aðeins með ykkur þarna út útlöndum. En annars gott að vita að þið eruð komin á leiðarenda og vonandi gekk fundurinn vel hjá þér Silja. Ég verð dugleg að kíkja á síðuna og fylgjast með þannig að þú verður að vera dugleg að skrifa ;) heyrumst síðar. |
| Villt þú tjá þig eitthvað um þessa færslu? |
| Nýjustu færslur |
 |
| Eldri færslur | ||||||
|
||||||
| Vinir |