Jæja það sem gerist hérna á Kung Oscars vägen er ekki svo svakalega spennandi, við erum farinn að kunna flestar sjónavarpsauglýsingar utan af og augun okkar eru orðin kössótt. Svo er það nátturulega rassarnir og lærin sem eru smá stinnari en þegar við komum þ.e.a.s. við erum búin að hjóla mjög mikið um borgina.

Annað sem við höfum gert er:

Fórum í Nova Lund sem er verslunarmiðstöð hérna og þar datt Hjalti í lukkupottinn, tvær risa tækjaverslanir og nokkrar litlar og bara ein með sófa fyrir mig til þess að biða eftir að Hjalti sé búinn að skoða öll tækin og dvdmyndirnar. Reyndar fórum við nú ekki út með nein tæki bara nokkrar myndir. Svo fékk ég að fara í fatabúðirnar og þar voru ekki mikið af sófum fyrir Hjalta. Svo hjóluðum við heim og ætluðum að fara sömu leið til baka og við komum en fórum allt aðra leið en rötuðum að lokum heim :)

Fórum í heimsókn til Gumma á Kjammanum sem var með Hjalta í verkfræðinni og hann sýndi okkur svo skólann þeirra Hjalta og svæðið í kring.

Ég fór í fyrsta tímann minn í gær en það var svona kynning á áfanganum sem ég er að fara í. Talaði við nokkra fyrir tímann og nokkrar af  "senare" del stelpunum eins og ég eru líka í þessum áfanga. Fyndnast var að þegar það var kallað upp komst ég að því að íslenska stelpan sem ég hef verið í sambandi við hérna í sálfræðideildinni í LU sat við hliðina á mér. Þetta verða mikil viðbrigði að fara í þetta nám. Hérna er mjög mikil hópvinna og bekkurinn (ca 40 manns) virðist mjög samanheldinn, versta er að ég verð eitthvað að flokka á milli bekkja til þess að geta tekið alla áfangana mína.

Svo byrjar skólinn hjá okkur báðum á mánudaginn og þá tekur bara harkan við. Vonandi lesum við aðeins bækur í staðinn fyrir að liggja uppí rúmi að glápa á TV.