Jæja, þá er maður byrjaður á seinni haustönn og mér sýnist heldur beutr vera aðeins meira að gera hjá mér núna heldur en á fyrstu önn. Maður er bara næstum kominn í sama fíling og þegar maður var á öðru ári í HÍ.

Raforkuverkfræði áfanginn sem ég er í á þessari önn virðist nefnilega vera með íslenskum stíl. Fyrirlestrar byrjuðu í þessari viku og fyrsta skilaverkefnið var með deadline í gær. Núna er strax búið að úthluta næsta verkefni, og svona fljótt á litið virðist það bara vera á svipuðum stærðarskala og gott heimapróf í Línulegum kerfum. Ég er búinn vera koma mér upp Matlab og er að rifja upp hvernig allt var nú gert og er svo að safna kröftum í að ráðast á þetta verkefni.

Ég var búinn að nefna að ég væri í einhverjum Industrial Economy áfanga á þessari önn líka. Búnir að vera 4 fyrirlestrar og eiginlega ekkert hægt að læra af þeim. Þetta er bara alls konar useless upplýsingar um innovation. Einhvað það merkilegasta sem ég hef lært af þessum fyrirlestrum er tengt stolti Svía, nefnilega IKEA og er eftirfarandi:

Svo erum við Gummi núna að byrja að vinna í verkefninu okkar. Við ákváðum að smíða lítinn bíl sem á að skynja ef hann er að fara að rekast á vegg og beygir þá. Ef okkur gefst nægur tími þá á þessi bíll að geta keyrt um herbergi og mælt út stærðina. Þessi mæligögn mundum við svo reyna að senda yfir í tölvu sem teiknar upp gólfflötinn í CAD forriti.

Samhliða þessu forriti eigum við í öðrum áfanga að forrita eftirlitsmyndavélakerfið sem ég var búinn að segja frá þannig að þetta verður örugglega dáldið intensive önn hjá mér.

Jæja þá, best að fara að rifja upp Matlab...