Jæja langt síðan síðast.

Hvað haldið þið að hafi komið inn um bréflúguna í morgun, langþráða personbevisið. Við erum búin að bíða eftir að fá staðfestingu á því að við séum komin inn í sænska kerfið í 5 vikur, reyndar fékk ég boðun í krabbameinsskoðun hérna úti þannig að ég vissi að við vorum komin inn. Þannig að þá fórum við beint í bankann og nú erum við komin með bankareikninga og fáum debetkort eftir viku. Svo er það bara að byrja lifa á kerfinu - ætlum að reyna sækja um námsmanna styrk og svoleiðis. Þannig að núna er þetta næstum því allt komið - nema þá kannski þá íbúðin.

Svo er það fréttir af okkur:

Ég fór með Sirrý vinkonu úr Sálfræðinni í HÍ á kaffihús í síðustu viku. Hún bjó í Köben og var reyndar að flytja heim aftur þannig að við ákváðum að hittast hérna úti áður en hún færi heim. Þetta var voðalega gaman að fara og tala við einhvern sem maður þekkir um daginn og vegin án þess að þurfa að hugsa um hvað maður á að segja svo fólk geti skilið mann.

Ég er búin að skila heimaprófinu, það gekk nú bara vel held ég og svo hélt hópurinn minn (grupp 4) kynningu um vísindasíðanefndarverkefnið okkar í gær. Gekk mjög vel. Til að fagna að þetta var búið ákváðum við að halda matarboð og elduðum öll saman heima hjá Lisu og horfðum á Fellow sem er mjög góð mynd. Eftir það fórum við á einn studentabar og þar fórum við öll í borðtennis og höfðum það gaman. Hér er mynd af hópnum að borða:

Eitt sem ég er að fíla í botn hérna er að maður hefur tíma til þess að chilla aðeins, maður má horfa á imbann án þess að vera með samviskubit og getur farið út að hitta vini sína. Við erum til dæmis með 17 tv stöðvar og ég er búin að finna mér nýjan uppáhaldsþátt - Extreem make over, home edition þetta er geggjaður þáttur, dálitið bandarískur en mjög skemmtilegur.

Eitt sem þið megið endilega gera er að senda mér sniðugar uppskriftir. Við erum eiginlega orðin uppiskroppa á þægilegri matseld sem er létt að elda og sem er líka góður og hollur. Þar sem við verðum að elda alltaf sjálf núna og maður getur ekki skroppið í mat eitthvert til þess að fá smá tilbreytingu þá verður þetta dálitið einhæft :)

Kram

Silja