Það er nú meiri að vera námsmaður í útlöndum á þessum tíma. Sem betur fer átti ég sparipening hérna úti í Svíþjóð frá því í gamladaga sem við notum bara núna þessa dagana.

Ég sagði frá því síðast að ég ákvað að skrá mig í annan áfanga sem er í raun önnur önn, þannig að nú er ég að lesa önn 4 og önn 5 á sama tíma. Næstu önn mun ég lesa önn 3 og svo byrja ég í bekknum mínum næsta haust (sá bekkur sem ég les önn 4 með núna og var í bekkjarparty síðustu helgi). Næsta haust byrja ég sem sagt á önn 6 og þá byrja ég í praktik, spennó.

Áfanginn sem ég byrjaði að lesa núna er taugasálfræði og var einmitt að koma heim úr einni kennslustund þar sem við vorum í meinafræðihúsinu að skoða heila. Við vorum í "kennslustofu" þar sem 5 krufningarborð voru og manni leið alveg eins og maður var kominn inn í CSI krufningarstofuna. Við vorum með nokkra heila sem konan sem kennir okkur var að "kryfja" (skera í sundur) til að greina sjúkdóminn sem einstaklingurinn dó úr. Hélt að ég myndi eiga erfiðara með þetta en ég kom meira segja við heila úr 88 ára gamallri konu sem var með alzheimer. Kennarinn sýndi okkur einnig heila þar sem maðurinn hefði fengið lungakrabbamein og krabbinn dreift sér upp í heila. Frekar spes að sjá hana sneiða niður heila alveg eins og maður sker brauð (ca 1cm heilasneið). Þetta var mjög spennandi en líka frekar óhuggulegt og ég finn ennþá formalínslykt allstaðar.

Skipulag helgarinnar er þannig að Hjalti er í verklegri æfingu til kl 21 á föstudeginum og ég fer í Knutkalas (allir koma með mat) með stelpunum sem voru líka teknar inn í sálfræðideildina eins og ég, senare del. Svo ætlum við Hjalti, þrátt fyrir íslenska gengið, að skella okkur til Köben á Laugardaginn og hitta Söndru vinkonu, sem er kannski ekki að fara í helgarferð til Köben á besta tímanum, en það verður gaman að hitta hana. Svo ætlum við að hitta verkfræðimafíuna þarna úti og gista hjá Tuma og Arndísi. Þannig að þetta verður skemmtileg helgi. Reyndar þarf ég að skila inn heimaverkefni þarna á mánudaginn, en það ætti nú að bjargast.

Reyndar er það eitt sem tengist þessu heimaverkefni. Veit að ég hef talað um það áður en hérna í Svíþjóð má maður hafa sínar skoðanir og maður á að skrifa sína eigin túlkun á t.d. bókina sem við erum að lesa núna. Þetta er ekkert sem maður lærir í HÍ og á ég því í mestu vandræðum með þetta. Var að tala við stelpu (Ida) sem tók BA gráðu í Bretlandi en hún á líka við sama vandamál að stríða. Þetta er alveg hræðilegt, því að maður er svo vanur að þurfa vitna í einhvern og rökstyðja mál sitt með heimildum og tilvísunum í aðra fræðimenn.

Jæja best að fara vinna í þessu heimaverkefni.