Mér fannst ekki nógu spennandi hlutir að gerast á blogginu ákvað ég það væri kominn tími til að hressa aðeins upp á þetta. Ég fór eins og aðra daga hjólandi í skólann á mánudaginn. Svo heppilega vildi til að gangandi vegfarandi fór í veg fyrir mig þannig að ég flaug af hjólinu og mölbraut á mér olnbogann.

Þar sem mér fannst innskotið í áramótaskaupinu þar sem Ilmur syngur ævintýri eru að gerast svo frábært þá ákvað ég að líta á þetta óhapp sem ævintýri. Ég hef aldrei slasast alvarlega áður og þetta eru því spennandi tímar fyrir mig. Ég er til dæmis búinn að vera í þrjá daga á spítala vegna þess að ég þurfti að fara í aðgerð þar sem olnboginn var skrúfaður saman. Ég hef heldur aldrei áður verið í gipsi (auðvitað á hægri hendi) og þarf að nota alla mína krafta til þess að hreyfa mig eitthvað að viti. Þrátt fyrir mikla verki og óþægindi er ég nú 6 skrúfum,títaníum plötu og styrkingar vír ríkari eins og sést á röntgen myndinni.

Þar sem Hjalti er í próflestri þá ákvað mamma að fljúga út til mín og ég er því með tvo í fullri vinnu við að aðstoða mig.